വീഞ്ഞ്

പ്രണയത്തിന്റെ
ആദ്യനാളുകളില്‍, അവള്‍
എനിക്ക് പകര്‍ന്ന വീഞ്ഞ്
ഇന്ന് പഴകിയഴുകി -
യ്യേ ... ഹാ... ഫ്ഫൂ....

മഞ്ഞുമല

ഒരു ചെറുകിരണം മതി-
യേതു മഞ്ഞുമലയും
ഉരുകി ഇല്ലാതാകാന്‍

(പിന്‍കുറിപ്പ് -
ആഴത്തിലേക്ക് വീണ്ടും
ഉണ്ടെങ്കില്‍ റ്റൈറ്റാനിക്ക്
വരെ തകര്‍ക്കും !!
- സൂക്ഷിക്കുക )

ശ്രീ - മതി

കാത്തിരിപ്പിന്റെ തപസ്സില്‍
എന്നില്‍ മുളച്ച വേര്
നിന്റെ നെറ്റിതടത്തിലെ
ചുവപ്പ് പൊട്ടിച്ചെറിയുന്നല്ലോ

തെറ്റുധാരണ

നമ്മുടെ ഇടയിലെ
തെറ്റുധാരണയുടെയീ പാലം
നിര്‍മ്മിച്ചതാരാണ്
പഴകി ദ്രവിച്ചയതിന്റെ
ശിലാഫലകത്തില്‍
അവ്യക്തമായി
നീ എന്തെങ്കിലും കാണുന്നുണ്ടോ ?

ഒരു ഉപകാരവും ചെയ്യാതെ തന്നെ
നീ എനിക്ക് നന്ദി പറഞ്ഞു !
ഒരു ഉപദ്രവും ചെയ്യാതെ തന്നെ
നീ എന്നെ ദുഷ്ടന്‍ എന്ന് വിളിച്ചു !!

ഭയം

വലിയ ദുരന്തങ്ങള്‍ വരുമ്പോള്‍

ഞാന്‍ കണ്ണടച്ചിരിക്കുന്നത്

കാണുവാനുള്ള ഭയംകൊണ്ടല്ല

കണ്ണില്‍ ചെറിയ പൊടി വീഴാതിരിക്കാനാണ്