ആകാശം സ്വപ്നംകാണുന്ന കിളി
മരച്ചില്ലയില് കൂടുക്കൂട്ടിയുറങ്ങുന്നു
അതിന് കൂട്ട്, ഭൂമിയിലെ കാറ്റും
മണ്ണിലെ വിത്തും.
കൂടുപേക്ഷിച്ചു
വിത്ത് കൊത്തിയെടുത്തു
കാറ്റില് പറന്നുയരുന്ന കിളി,
നക്ഷത്രങ്ങളെ കൊത്തിതിന്നു
മേഘങ്ങളില് കൂടുകൂട്ടാമെന്നു
വ്യാമോഹിക്കുന്നു.
നക്ഷത്രങ്ങളെ കാണാതെ
മേഘങ്ങളില് മുട്ടാതെ
ചിറകു കുഴഞ്ഞു
അവസാനം -
മരച്ചില്ലയിലെ കൂട്ടില്
കാറ്റില് ക്ഷീണമകറ്റി
മണ്ണില് വിത്ത് കാഷ്ടിക്കുന്നു
1 comment:
athigambira kavitha keralathil oru puthiya mahakaviyude udayam ee kavithayilunde
Post a Comment